Po vesh një fustan të bardhë me zbukurime, flokët i ke të stiluar bukur dhe po mban në duar një buqetë trëndafilash të denjë për një mbretëreshë, ndërsa shikon në sytë e të dashurit tënd. Është pikërisht ashtu siç e ke imagjinuar gjithmonë ditën tënde të dasmës.
Pastaj fotografi thotë: “buzëqesh.” Ti tronditesh. E frikësuar se hapësira e madhe midis dy dhëmbëve të përparmë apo buzëqeshja e zbardhur dhe e pabarabartë do të prishin përgjithmonë fotot e asaj që duhet të jetë dita më e lumtur e jetës tënde – dita e dasmës.
Dasma e ëndrrave të tua nuk ka pse të kthehet në një makth. Nga teknikat e reja të zbardhjes, tek fasetat prej porcelani dhe punimet e tjera restauruese dentare, buzëqeshja e ëndrrave të tua është e arritshme deri në ditën e dasmës.
“Nëse mendon se buzëqeshja jote do të prishë fotot ose do të të bëjë të ndihesh në siklet, atëherë dasma është arsyeja e duhur për një transformim estetik të buzëqeshjes,”
“Konsidero të marrësh një konsultë fillestare me një dentist estetik sapo të fejohesh,” këshillon Dr. Juliana Caushi. “Nëse e bën shumë afër ditës së dasmës dhe diçka shkon keq, nuk ka kohë për korrigjim,” thotë ajo. “Është mirë të fillosh sa më herët me procedurat estetike që të sigurohesh se gjithçka bëhet siç duhet dhe të kesh kohë të mësohesh me buzëqeshjen e re dhe ta shijosh atë.”
“Ka shumë faktorë që ndikojnë në rezultatin përfundimtar, përfshirë drejtësinë e dhëmbëve, gjendjen e mishrave të dhëmbëve dhe nëse ka kurora apo mbushje ekzistuese, prandaj është më mirë të vlerësoheni mirë përpara ngjarjes së madhe,”
Pavarësisht se çfarë problemi ka buzëqeshja jote, ka shumë gjasa që një dentist estetik mund të bëjë diçka për ta përmirësuar atë para ditës së dasmës, duke përfshirë:
Dasmë e bardhë, buzëqeshje më e bardhë
Njerëzit gjithmonë duan një buzëqeshje më të ndritshme, ndaj zbardhja e dhëmbëve është diçka që shohim shumë para dasmave. Ka shumë nivele zbardhjeje në ditët e sotme. Sa më të errët të jenë dhëmbët, aq më shumë kohë duan të zbardhen.
Punime restauruese para dasmës
Ashtu si opsionet për zbardhje, ka disa mënyra për të restauruar dhëmbë të thyer, të çarë, të dëmtuar apo të njollosur.
Bondimi është zakonisht linja e parë. Ai përmirëson pamjen e dhëmbëve të çarë, të thyer apo të ndarë. Materiale me ngjyrë të dhëmbëve aplikohen në sipërfaqen e tyre. Për hapësirat e vogla zakonisht përdoriet bondim kozmetik i bardhë. Është një procedurë e thjeshtë, jo invazive dhe konservative.
Fasetat janë një tjetër zgjedhje e zakonshme për nuset dhe dhëndurët. Janë shtresa të holla, të personalizuara, që vendosen në pjesën e përparme të dhëmbëve dhe ndihmojnë për të korrigjuar ndarjet, dëmtimet, njollat e përhershme apo formën jo të rregullt të dhëmbëve.
Kurorat dentare përdoren kur fasetat nuk janë të mjaftueshme. Ato mbulojnë plotësisht dhëmbin dhe rikthejnë formën, madhësinë dhe forcën e tij.
Konturimi estetik i dhëmbëve para dasmës
Dentistët estetikë mund të korrigjojnë defekte të vogla në formën e dhëmbit përmes një procesi të quajtur konturim ose riformësim.
“Është pak a shumë si kur limon thonjtë,” shpjegon Dr. Juliana. “Nëse një dhëmb është më i gjatë ose ka një majë të theksuar, me pak konturim estetik mund të rregullohet pa nevojën për aparate ose kurora.” Nuk është i dhimbshëm. Është si kur kujdesesh për thonjtë e ndjen, por nuk dhemb.
Për rezultate më të mira, merr një foto të një buzëqeshjeje që të pëlqen dhe thuaj: ‘Dhëmbët e mi janë katrorë, këta janë të rrumbullakët. Dua të jenë si këta.’
Aparate ortodontike para dasmës
Aparatet nuk janë vetëm për fëmijët. Tani ka versione shumë më estetike, transparente ose pothuajse të padukshme. Ndihmojnë për të drejtuar dhëmbët, për të reduktuar ngjeshjen apo për të mbushur hapësirat midis dhëmbëve. Megjithatë, ato nuk japin rezultate të menjëhershme. Filloni sa më herët të jetë e mundur nëse dëshironi një buzëqeshje perfekte për ditën e dasmës.
Çfarëdo që të zgjedhësh, sigurohu që dentisti yt është i kualifikuar në stomatologjinë estetike!
Për të marrë vendimin më të mirë, kërko foto “para dhe pas” të pacientëve të mëparshëm. Gjithashtu, bisedo me pacientë aktualë të dentistit për të kuptuar cilësinë e kujdesit që ofron. Pyet nëse dentisti ndjek rregullisht trajnime dhe kurse të edukimit të vazhdueshëm dhe nëse është i akredituar nga institucione si ICDQ.
